Veni, Creator Spiritus

(1) Veni, Creator Spiritus,

mentes tuorum visita,

imple superna gratia,

quae tu creasti pectora. Amen.

(2) Qui Paraclitus diceris,

Donum Dei altissimi,

Fons vivus, ignis, caritas,

et spiritalis unctio.

(3) Tu septiformis munere,

dextrae Dei tu digitus,

tu rite promissum Patris

sermone ditans guttura.

(4) Accende lumen sensibus,

infund(e) amorem cordibus,

infirma nostri corporis

virtute firmans perpeti.

(5) Hostem repellas longius,

pacemque dones protinus,

ductore sic te praevio

vitemus omne noxium.

(6) Per te sciamus, da, Patrem,

noscamus atque Filium,

te utriusque Spiritum

credamus omni tempore.

(7) (Meghajolva:)

Sit laus Patri cum Filio,

Sancto simul Paraclito,

nobisque mittat Filius

charisma Sancti Spiritus. Amen.